首先祝大家新年快樂！
作為投資者，覆盤是最重要的事項之一
回想今年做過的投資決定，檢討有什麼進步空間
今年操作上，不是特別滿意
今年港股跌14%，而我整體組合回報 4%
雖然正回報，但有很多值得檢討的
港股組合微虧，正回報主要是由比特幣收益貢獻
首先回顧年初的預測 當時有4大觀點
1）睇好疫情後消費復甦，尤其是餐飲業 （睇錯，中國經濟復甦遠不及預期）
2）睇好生物科技股作為新增長龍頭 （睇啱，但就冇乜升幅）
3）睇淡新能源，因為估值太高，上幾年已經透支增長 （睇啱，新能源繼續尋底）
4）睇好Crypto 2023年成功築底，建議每月定投 （睇啱，比特幣由年初1萬7，升到年尾4萬）
除了第一點睇錯，其他都睇啱
但可惜的是，就算睇啱，都冇賺到錢
有兩個主要敗筆：
1）沒有很好應對輪動市
今年唯一行情是一月的升浪，之後一直跌到年尾
對於捉突破，坐中長線的趨勢投資者，比較有挑戰
可以維持超過一個月升勢的股票寥寥可數
之前就算股市唔升，還是有唔少倍升股
我近年回報最好的是2020年，組合差不多翻倍，當年恆指跌3%
但今年唔同，板塊輪動得好快
年初主要升消費，之後升價值國企股，再之後升生物科技
這幾個板塊之間差異巨大，風格轉換得好快，股票升勢持續性好差
趨勢投資者不會在第一刻買入，通常會在轉強幾個禮拜後再買
之前靠這個方法買股票，當中有持有幾個月翻倍的
今年這個策略唔係好work，大部分板塊只是升1-2月，之後回跌
好多時候只能小賺離場
這個情況可以如何應對？
唔少人覺得，投資者可以跟住轉風格，換投資系統
但其實我不太建議隨便轉投資系統
每個投資系統都有優缺點， 一有問題就轉系統，好可能到最後一事無成
更好的應對辦法是維持同一個投資系統，轉買其他市場，例如美股
今年我對中國經濟復甦有bias，其實應該投入更多精力研究美股
2）對宏觀經濟認知不夠深
另外，對宏觀經濟的認知也有提升空間
疫情前，美國維持低息環境，中國一直高增長
宏觀經濟變化不大，不太影響股市走勢
所以一直不太關注宏觀經濟
今年低估了美國加息對中港股票資金流的影響
覆巢之下無完卵，美國加息後，就算中港股票有吸引力，都冇資金買
加深宏觀經濟的認知可以幫助全球資產配置
至於2023年做得比較好的是：
1）雖然一直板塊輪動，但一直都跟得比較貼，並分享了不少跑贏大市的股票俾大家
雖然升勢持續性差，但相信可以跑贏大市
2）有嚴守止蝕，其實今年大概1/4股票跌超過30%，跑贏大市並唔容易
跌得多的股票，都成功避開
至於2024年
唔少人覺得港股冇救，但我會睇埋2024年
美國今年開始減息，參考第二點宏觀經濟learning
我們不應該低估宏觀經濟對股市的影響
減息後，資金流會逆轉，是有機會回流中港股市的
現在有大量睇淡港股的理由，但大部分都是下跌後，媒體找的一些理由
只要股市升翻，又會有好多睇好的理由，趨勢可以逆轉得好快
另外，吸取2023年教訓，會更多關注其他資產
美國減息後，比特幣、黃金、銅、債券，應該有機會
另外，美國的AI/科技股，尤其是中小型的都可以關注
我對2024年是充滿期待的，具體有什麼機會
過幾日另外寫一篇分享
留言