計左一計，這是投資武林第40篇月度回顧
首先，感謝從一開始就訂閱的咁多位朋友，三年的陪伴唔容易
唔少行家分享投資心得，但由21年港股牛市堅持到熊市，再堅持到最近升市的寥寥可數
當中，淨係得投資武林會每個月做回顧
一來可以反思最近一個月的操作，二來可以幫大家追蹤到我地三年以來的睇法
鄰近年尾，簡單覆盤全年
對於我來說，今年是挑戰大，但又比較順利的一年
年初大家都比較悲觀
港股踏入第三年熊市，美國陷入衰退邊緣，唔知通脹會否失控，不確定性導致市況波動
相信今年有持續關注股市的朋友都能感受到當中的難度
好彩大方向都冇問題，今年我總倉位盈利達到39%
今年完美演繹了行內經常提到的： 20% 時間賺80%錢。頭20%投資賺80%錢
年初主要是靠比特幣，由4萬升到上7萬，賺足成個升幅 （2024年上半年展望）
年中比特幣橫盤，輪到恆指在9月開車，同樣是賺足成個升幅 （文章）
最後是這兩週比特幣再開車，由6萬升到上9萬。（年初升完後一直冇減，甚至在上個月同大家一齊加倉）
今年有幸食到三個完整的大升浪，這方面我是比較滿意的
當中捉到3個倍升機會： 9992 泡泡瑪特、7226 科技指數 2X ETF、比特幣
而且更重要的是，有重點分享俾投資武林的會員，唔少會員同我講，今年賺唔少
做趨勢投資，我的目標是在升市賺盡，在跌市保住利潤，今年符合預期
大方向睇啱，但今年都有唔少遺憾的地方
1）10月中港股市升勢突然斷纜，我有相應減倉，但就減得唔夠。見到政策不及預期後，應該減多少少，可以鎖住更多利潤。
2）由於我熟IT，由前年ChatGPT面世開始，我就睇好NVDA 。但因為唔熟美股，結果冇乜賺到錢
3）黃金都係，我今年一直睇好黃金，但嫌黃金的歷史升幅唔多，而且走勢好難預測，冇乜點買。其實應該運用槓桿ETF長線持有
不過好彩的是，投資武林不只我一個
還可以參考兩位拍檔，特工、雲兄的獨家分析+真倉操作
可以從他們的角度發現機會
投資賺錢的難度高，需要極度專注
我們三位加埋，研究覆蓋面好廣，可以幫大家捉到各個市場最優質的機會
最近訂閱的朋友，時機啱啱好
特朗普當選增加了不確定性，但最重要的大趨勢沒有任何變化：
中美兩國今年都開始放水，開始了貨幣寬鬆週期
美國9月開始減息
中國10月開始放水10萬億
資產價格的大趨勢最受流動性影響，只要有足夠的流動性，價格就會升
下圖是流動性標準化後的歷史數據，中線50為平均值
全球流動性大概以65月為一個週期（5-6年）
目前正處於新的上升階段，預計2025年底達到頂峰
投資好睇大環境，在寬鬆週期，資產價格容易升，勝率提升
意味著，未來一年，仲有大把機會，錯過要等5年
雖然今年回報已經唔錯，但年尾唔敢鬆懈
一搵到機會，會第一時間在投資武林分享
具體機會到時候再分享，我地每個禮拜都寫四五篇長文，可以寫得更詳細
想問下隻泡泡馬特咩位可以入返？上次畀大股東減持震走左，可以週入返？見佢係咁升
希望出年都有呢個成績，一齊加油🙇🏻