AI為港股帶來的結構性利好。分享目前港股持倉+兩隻可以買的強勢股
- 虎哥
- 2月22日
- 讀畢需時 4 分鐘
首先恭喜大家，又是豐收的一週
本身預期有調整，但隨著阿里業績大超預期，唔少資金等唔切買
直接讓港股突破了我一直提到的重要阻力位（10月高位 23241）
突破後，下一個比較重要的阻力在2萬5，上升空間超過1000點
空間唔細，而且個股有機會升更多。
最近升勢主要升指數，個股升得唔多
睇翻週五數據，雖然恆指大升900點，但上升的股票居然同下跌的股票相約
好容易就買錯股票，錯過成段升勢
投資武林以外的朋友，食到成段升勢的朋友，應該唔多
這段時間要好好把握
今次升得好快，印證了我之前提到的，這種市況唔急住止賺
賣出後，好大機會就上唔翻車，得不償失
唔少個股突然大升，考驗大家定力
我的建議是，做好自己就可以，根據策略操作
不要被市場其他噪音影響，追入策略以外的機會，要坐得穩才能賺到錢
上文提到基金未買夠貨，週五高盛提到，外資長線基金終於開始買
相信長線資金流入剛開始，我睇港股牛市只到半山腰
連一直以來睇得比較淡的大摩都轉口風，提高了恆指目標價
當中的邏輯值得一讀，我將大摩的大行報告放在留言區供大家參考（按慣例，大家千萬不要外傳）
核心有三個觀點
1）中國政府高調召集民企老闆開會，公開支持AI，支持創業精神，有利經濟發展
2）全球地緣政治環境改善，對中國有利 。美國關稅僅於2月13日提出，俄烏隨時停火
3）DeepSeek引領的中國科技突破 ，僅在2月農曆新年後才開始被全球科技界更好地理解和討論
這是比較重要的兩張圖，結論同我一樣：外資剛睇好中港股票，遠未買夠貨
主動型基金在中港股市的淨流入，還處於淨流出狀態。（本週開始轉勢）
被動資金一直以來都在買中港股票，但最近一段升浪冇乜參與，同樣要補貨
好多人問，今次會唔會同舊年9月一樣，我認為唔會
9月是政府給予了超高預期，之後讓投資者失望
今次是實實在在的AI 革新，帶來的實際增長
1）政府高調支持AI。
中國有一樣好，只要政府大力支持，可以落實得好快
就好似新能源車。香港、美國、歐洲等發達地方，新能源車滲透率在3成左右
新能源車在中國政府的大力支持下，滲透率已接近5成
AI 有機會同新能源車一樣，早過其他地方普及
而且中國科技行業一直受制於美國
今次DeepSeek讓中國政府睇到希望，可以突圍，會繼續大力支持
2）阿里今週財報為AI 行業帶來了實在的利好
未來3年的AI 基建投資將會超過過去10年，意味著每年至少投資1200億
當中，相信一大部分會投向中國公司，提高大批公司的收入增長
而且我相信，不止阿里會投資，字節跳動、騰訊、小米、美團等，都會加大投資
這是實實在在，每年幾千億的增量資金，可以帶起中國經濟增長
3）好多人忽略了國際資金情況，同樣利好港股
美國釋放出會持續寬鬆的預期，這週美債息率下降 + 美元轉弱
環球資金逐利，一部分資金會賣出美元資產，轉買其他資產
中國資產最近趨勢很好，可以吸引這批資金買入
前幾年港股熊市的其中一個重要因素是美國加息+美元升值，吸引了大量資金賣港股買美股
如今，這個趨勢正在逆轉
這個邏輯我由年初開始講，最近終於開始有變化
這週港股倉利潤6%
Watchlist 唔少股票爆升，但因為倉內有一定數量的避險股票 （3416、883 等），拖低了總利潤
我還是比較滿意的，不太可能全倉AI，風險太大
就如同之前所說，坐得穩才能賺到錢
最近操作比較多，重新分享我目前持倉
