千字解釋點解港股跌到15000
- 虎哥
- 2022年10月27日
- 讀畢需時 3 分鐘
今日主要想寫清楚點解港股會跌到15000點
跌都跌左，如果不能獲取經驗，就浪費了這個學習機會
下跌原因非常複雜
我睇左好多資料，嘗試幫大家理順邏輯
只有理解下跌理由，才能大致判斷見底時刻
港股大跌1000點，好多人認為是因為中國20大會議
但20大會議只是壓倒駱駝的最後一根稻草
大跌主因是港股流動性不足
點解會不足？
因為美國境外美元流動性出現了大問題
美國加息，資金回流美國賺利息，從各國抽走了大量美元
在缺美元的環境下，最近還有3個大賣家：日本、英國、瑞士
導致缺上加缺
日本
日圓在多年的量化寬鬆下，本來就在低位
今年在美國加息後，再貶值超過20%
最近大家睇到新聞，日本央行干預日圓
背後原理就是賣出美國國債後，買入日圓，支撐匯率
每日賣大概幾百億美元。
2013 微盟集團的市值是10億美元，即係日本每日沽幾十間微盟
英國
上個月英國養老金差點資不抵債，造成金融海嘯
英國央行救市拿出450億英鎊
資金來源很大部分是沽美國國債獲得
之後維持沽美元資產，買英國國債
力度冇日本咁大，但每日大概有幾十億
瑞士
之前提過瑞信銀行不會破產，背後原因是瑞士央行一定會救
救瑞信銀行是有代價的，也是幾百億美元規模
除了以上3個大賣家
其他國家的情況和日本類似
本國貨幣貶值得太厲害，或多或少都會賣出美元資產，買入本國貨幣支持匯率
加加埋埋，美元資產沽壓超乎想像
以上情況已經維持了一個月
10月12日，美國財政部長耶倫表示
財政部正在努力支撐國債市場
她擔心美國國債市場會奔潰
美國國債被譽為全球最穩定，最安全的資產
現在居然可以奔潰，可想而知，情況有多嚴重
各國政府（除了中美）都自身難保，賣出美元資產救國
咁同港股有咩關係？
香港有兩個特徵
1. 國際自由港，所有貨幣都可以自由兌換，冇人阻止
2. 港幣和美元掛鉤，而美元是全球流動性最高的資產
以上兩點導致港股成為最容易提款的提款機
各國央行泥菩薩過江，自身難保，只認錢
唔會睇行業前景，唔會睇估值，唔會睇公司盈利
外資沽貨，疊加每次大跌帶來的恐慌拋售，港股就跌落15000
港股會唔會再跌穿15000好難講
如果冇更壞消息，理應唔會
但同時，再有黑天鵝、壞消息的機會率唔細
比較穩陣的是睇美元流動性
美國繼續加息會導致市場上美元更少，更多人要沽美元資產救自己
停止惡性循環要等美國停加息
有鑑於美國財政部已經在擔心美國國債市場會奔潰，再大幅加息的機會率唔高
預料明年第一季有轉機
只要俾到市場信心，有一個確實的轉逆點就可以
對應策略留俾會員
