老巴名句 別人恐懼我貪婪
最近一段時間 港美沒有出現所謂恐懼
反而看似略帶點沉悶
我稍為改改老巴金句
別人沉悶我貪婪
悶市既時間值錢在於
可以有時間 耐心篩選個股
港股市寬不佳 看似無乜選擇
不過如果大家有留意 每一段弱勢時間
其實都會有個別板塊跑出
Q1 電訊股
Q2 油股
Q3 電車
當然要在云云個股中 選中出來
要花時間 緊貼市場脈搏
這是不容易的一步
而最近強勢的 社交媒體不多提及的
好拍檔虎哥篩選了不少出來
港股市場
最近期強勢的 有金股資源股
1818 招金、2899 紫金、2099 中國黃金國際、3993 洛鉬、883中海油
我之前不太理解為何 金股強勢 因強美元令金價積弱
1818 日線圖
除左資源類股 虎哥8月22日分享的【新藥王】港股減肥藥概念股
在基本面支撐下 抗跌力相當不俗 現在仍然有set up空間
減肥藥概念股 - 日線圖
我自己港股比較滿意的 是篩選到 941中移動
但嘗試博 9988 阿里巴巴均線支持 打中了止損
941 日線圖
9988 日線圖
業績期花多左一點時間 睇巨企財報
不知大家有沒有留意 9618京東 正在創新低中
箇中原因 可重溫 【京東業績 嘗試拆解積弱原因】一文
京東花左好多錢 係非電商項目
以至走勢 同傳統電商股相差甚遠
至於非港股市場
留意日本股市已破左小喇叭
想參與的話 邊隻ETF較好
我個人較進取 喜歡對沖左日yen果隻
食到個市升幅 又唔會被日yen貶值影響
當然唔少得 印度指數
契媽成日吹bitcoin幾時幾時上到幾十萬
印仔唔同你講咁多廢話
直接由2022年最低55000點升到依家就黎70000
美股方面
上個月分享既 核概念股 已飛到好遠
只要供求持續失衡 機會仍然處在
由於係美股 再加上係大家可能較陌生既板塊
理解大家無咁熱衷
但走勢 是不管大家熱衷程度的
機會甚至往往 出現在 未被熱烈討論之時
核概念ETF - 日線圖
展望 - 寄望美市Q4走勢
傳統上 美市第4季(10-12月)
是升多於跌
如果睇短線 暫時第2個follow through day失守
第1個follow through day (重要防守位) 還守到
主題仍然是炒股唔炒市
至於恒指 短線仍然需要時間做set up
需要耐性
向上18700-18900 都幾難破
結語 - JPEX事件 武林做左啲咩?
做返個回顧 會發現到 雖然整體市況氣氛唔算好好
但唔係無野升 只係篩選既難度高啲
其實反而悶市更需要用心用時間
天道酬勤
JPEX事件入面 大家有無留意武林做左啲咩?
其實答案 反而係【我地無做啲咩】
我地能力【做到乜野】 當然重要
但其實我地 【無做啲咩】 同樣重要
唔係話想抽JPEX水
而係見到JPEX苦主多到不能想像
更令我地確立武林務實既宗旨
無收到大家 詢問JPEX出金點搞
其實我地係感到高興 無自己人中招
從來唔會 吹噓咩all in發達機會
唔會推介什麼 一年20厘息既產品
踏實地同大家 篩選強勢股 做好技術+基本分析
未必每一隻分享都可以止賺作結
但每一個分析結果 策略 都會講埋背後原因 止損位
投資經常被視為搵快錢既地方
但如果放眼 世界投資名家
無一個會話投資好簡單 唔使花時間
反而每一個 不論係基本面定技術面掛帥
都強調自己 做好多功課 經過無數錯誤 先達到成就
我地武林選擇既 係呢一條可能比較慢
但最務實既道路
希望和武林戰友們
能夠用時間和努力 來換取投資的美好成果
