港股最新5隻Watchlist+考慮買的太空股
- 虎哥
- 2月4日
- 讀畢需時 3 分鐘
首先祝大家新年快樂，財源廣進，身體健康，蛇年大吉！
龍年回報不錯，希望蛇年可以更進一步，讓盈利再創新高
有關注文章都知道，今年我對中港股市是比較樂觀的
上篇文章提到【預計在新年前後展開新升勢】，並分享已經加倉
市場俾面，今日港股大升400點，突破近期阻力20377
而且是跳空大升，比較強勢
過年前其實已經買到接近滿倉
買入的我會繼續持有，博恆指可以挑戰 2萬2
如果未買貨的，要睇你現金水平
空倉的話，建議買翻少少貨
港股近期風格升得急，唔俾位散戶買貨
今日追貨好過連續大升幾日後再追
但如果一直有底倉，可以等埋A股開市
有兩個原因
1）早幾次長假期都是港股升，但一等到A股開市，又會跌翻。
今日的升勢未必獲得北水認同，等多兩日再買更穩陣
2）恆指已經升到 21000 阻力位，是10月調整至今，比較重要的阻力位
估計要突破會需要一段時間消化沽壓
早買的持有就可以，冇貨的要擔心這個位置會比較波動，容易中止蝕
今日大升的原因有三個
1）美國加關稅的消息落地，並沒有投資者預期咁差
上週末宣佈加10%關稅，屬於預期內
而且特朗普的焦點明顯在加拿大、墨西哥兩國
2）DeepSeek橫空誕生，讓國際投資者意識到
AI這個最強投資邏輯再也不是美國一家獨大
中國追得好緊，而且已經有跡象，遲早會突破美國的多重限制
投資者望多兩眼低估的中國科技股，買翻少少
關於DeepSeek的影響，遲啲有機會寫長少少分享
3）美股轉弱，投資者轉買還在低位的中港股票
國際資金都是比較現實的，美股大升兩年後估值高，在高位有調整壓力
部分資金會轉買剛轉勢的中港資產
持倉上文有分享，沒有變化
早前提到，最簡單直接買科技指數ETF的睇法冇變
7226 南方兩倍做多恆科 今日升接近10%，無謂追
可以先考慮冇槓桿的ETF 3033
另外，早幾個月分享的 3416 A GX國指備兌 繼續是重倉持有
勝在夠穩陣，每月派息
至於個股，首先可以參考上文分享的持倉
