雲狄開設《經濟一週》專欄

非常感謝《經濟一週》邀請，終於可以同讀者分享呢個好消息🙌小弟將於《經一》官網開設專欄，暫定每月1篇。由於並非每週供稿，內容會較側重中長線觀點，唔影響投資武林交易筆記更新。首篇文章講美股大盤打頭陣，不日刊登📝

《經一》專欄係行內有江湖地位，我10年前剛起步經常關注嘅某位週期/江恩派前輩都係《經一》有專欄。估唔到10年後嘅今日，自己有幸成為作者，感覺奇妙😳

小弟2017年尾出道果陣都有媒體專欄，但當時係員工身份，今次以自由博客身份重現頂流財經媒體，係事業里程碑🔥真倉分享咗8年，雲狄好感激讀者支持，期待今年稍後同大家一齊股幣大抄底！🫡