這個星期港股變化不大 上文提到會觀察阿里配股之後的表現 結果走勢中規中矩，有一個弱反彈，並不強勢，但同樣唔算差 恒指繼續區間震盪，機會不多 最近是業績期，中國消費還是弱 消費龍頭泡泡瑪特、蜜雪業績都遜預期 大環境差，相關消費股好難有一個持續的升勢 兩隻離52週高位都已經跌了超過一半，而且反彈冇力，要繼續等 比較值得關注的，還是最近分享的生物科技同有色金屬 上次分享的 1171 兗礦能源突破得唔錯

港股一直處於震盪市 上星期五的大陽燭走勢很不錯 原本以為要向上突破 點知阿里巴巴宣佈配股 配售價折讓約8.4%，集資800億港元，全數投入AI基建 是阿里2019年港股上市以來首次配股，亦是史上最大宗港股配售 消息一出，阿里早段急跌近一成，一度跌穿配售價 恒指今日跌1.9%，恒生科技跌3.6%，市場又回到震盪區間

港股冇乜特別，都是震盪市 這兩日雖然反彈，但仍然差少少未收返上20天線 冇明顯趨勢之下，我會維持現有持倉，不做過多操作 而且港股暫時沒有太多股票值得關注 最強勢的是航運股，1919 中遠海控、1308 海豐國際這些 貨櫃運價指數創新高，管理層講過，全球約8至9%運力被影響，有supply比較緊張 不過航運股波動比較大，而且已經升得急 現價買冇值博率

港股再跌，進一步跌穿20天線，又再轉弱 目前唔打算再新買入 之前買入的，跌成止蝕就走，保留現金 轉弱的原因主要是資金輪動 美股半導體板塊轉強，資金又去翻買半導體 另外騰訊、京東業績後急挫，拖累藍籌 北水近日亦都淨流出約29億港元 不過我唔係睇得太淡 港股仲係處於震盪，未算破位下跌 資金隨時又會買翻，一動不如一靜

港股這幾日調整返落20天線 幅度在合理範圍之內，未算轉勢 大市表現一般，不過唔少個股走勢都唔錯 有機會進入炒股唔炒市階段，機會仲係有 最強勢的是生物科技 唔少創新藥股都企得好穩 背後幾個原因：業績陸續公佈得靚、出海BD授權接連落實、醫保開始向創新藥傾斜 再加美國非農數據疲弱、債息回落，美股生物科技ETF先反彈，港股跟住上

恒指這幾日稍微調整 不過調整算預料之內 早幾個禮拜一直講會等恒指回20天線，現在就是回到20天線附近，高過20天線1.6% 好消息是20天線確實有支撐 週四、週五都收出下影線，一跌就有資金買翻上嚟 現金比較多的，可以現價買 止蝕就擺在20天線，離現價唔遠，值博率高 唔知買乜的，可以考慮 3033 南方恒生科技

上文提到港股走勢有改善，恒生科技最近跑贏 早前分享的CRO同黃金股，現在都有不錯利潤 2359 藥明康德前日公佈中期業績，大幅超預期 上半年收入按年升39%，最重要的是上調全年收入指引，由513至530億上調到585至605億 高過三十家機構的預測均值 有貨繼續持有 冇貨的可以 2269 藥明生物 1）全球主要的生物藥CDMO，代工生產，是生物科技行業的台積電，未完成訂單237億美元，未來幾年收入能見度高 2）新合同定價升5%至15%，過往歷史升幅只有3%至5%，反映產能開始緊張，供不應求下最利好股價 3）整個板塊業績回暖，2269將會在8月25日公佈中期業績，我預期可以超預期 37.5止蝕，睇48

港股呢個禮拜仲係冇乜機會 不過恒指企穩2萬5附近，收24963，已經算係相對強勢 指數OK，但問題是個股同板塊 升的主要是指數權重股，個股還是弱 暫時冇板塊值得追 如果恒指跌返至24500 （20天線）附近，我會開始留意相對抗跌的板塊 跌市要睇跌得少的，往往下一輪領漲 但而家未到位，唔急 有一個板塊反而可以開始留意，黃金

今日A股大反彈

上篇講過恒指跌返20天線我會考慮買翻少少 週五港股急跌，恒指單日跌1.8% 指數已經跌至10天線附近，離20天線還有3.5% 加上週五晚美股繼續跌，這個禮拜是一個好好的考驗 守得住10天線，可以睇返好港股少少 不過我傾向等跌到20天線再考慮 環球股市而家比較震盪，好淡都有理由 睇淡主要兩點： 1）韓國槓桿仲未清乾淨，7月13日韓國指數單日插近9%，超過120萬個孖展戶觸及追繳線，5月到7月中被強制平倉2.3萬億韓圜，但融資餘額只係由頂位回落10% 2）AI股繼續弱勢，未見止跌

港股最近兩個禮拜反彈得唔錯 之前我唔肯定可以反彈幾耐，已經降低咗倉位 而家睇返，呢種V型反彈通常都冇買入位 現價唔會追，我傾向等恒指回落到20天線先買翻貨

港股今個禮拜升得唔錯 不過情況同上文講嘅一樣，升的主力都係權重股 恒指由7月8日至今其實只係橫行，啱啱企喺2萬4附近，到了阻力後不確定性高 升市集中在幾隻權重，個股同市寬都仲未跟上 繼續觀察 AI股實在波動，我未有興趣再買，反而生物科技值博率比較高 可以關注 2162 康諾亞－Ｂ 1）主業係自身免疫同炎症嘅創新藥，核心產品針對皮炎、鼻炎等，係國產第一隻同類抗體，同海外重磅藥Dupixent係同一方向，已經上市 2）呢個type-2炎症板塊啱啱變咗大熱，美國有大deal帶動，AbbVie用約109億美元收購Apogee，大藥廠掃貨補pipeline，康諾亞管線啱啱踩正呢個熱點，有授權同被併購想像

恒指這幾日彈得比我預期強 恒指已經逼近2萬4呢個重要阻力 恒生科技更強，重返20天線之上 不過我仲未肯定真轉勢 升嘅主要係權重股，指數靚，但個股未跟得上 而家又到2萬4阻力，好多時要震一震 我傾向睇多幾日先決定，唔會太急加倉 板塊方面，資金繼續由AI流出

上文提到港股弱勢反彈，準備等反彈再減 這幾日恒指確實續有反彈，7月3日升1.28%，收23350 不過反彈始終偏弱，恒指仍然企唔返上20天線，離高位都仲有一段 恒生科技就相對好啲，這幾日累升逾2% 但整體市場我覺得仍然好波動，最好都是睇定啲先 板塊方面，資金明顯繼續搵AI以外嘅出路 中國半導體板塊這五日跌超過6%，明顯走弱 反而創新藥、生物科技繼續領漲，係全場最強 上文提到嘅三個原因依然成立： 1）美國FDA加速新藥審核，生物科技指數已經轉強一個多月 2）未來兩年大藥廠大量專利到期，要買創新藥公司補pipeline 3）資金由AI股流出，四圍搵板塊接力

上文提到準備好港股反彈 這幾日確實是反彈了，但反彈得比較弱 今早升至10天線後就回落，明顯有阻力 是弱勢反彈，我有按計劃這兩日再減倉 早前最強勢的 AI 股都開始回調 除了上文提到存儲的利淡因素，昨天還有一個大消息 Meta宣佈考慮出售算力，讓投資者： 1）懷疑算力不再是緊縮的，不再供不應求 2）憂慮算力變成供過於求，價格見頂，美國雲計算投資在2027年會高達 1.2萬億 USD （～85%年增長） 3）懷疑 AI 的實際應用場景有限。市場原本預期AI有大量使用場景 再疊加算力供應鏈都已經升得比較多，所以一有利淡消息就開始拋貨