恆生指數週五大升500點，相信有Follow投資武林的都有斬獲

恆指昨天跌至20天線又開始反彈，我會延續之前的策略 只要恆指不跌穿20天線，可以繼續持貨 雖然美股大跌，但港股市況還是不錯的，離不開不斷有資金抄底 最近幾次下跌後，北水就開始買貨 例如昨天跌至20天線時，還有今日收盤前 北水已經連續大手買了幾個月，而且越買越多，這週是歷史以來買得最多的 我開始覺得是中國國家資金在炒底，逢低就買，托住港股 背後可能同中美關係有關，有傳兩邊元首就快見面 維持中港股票強勁，對於中國有好處，美國會少一個籌碼 無謂做太多猜測，反正支持港股，對投資者有利 而且港股成交額較細，托港股需要的資金少過托A股好多，少錢辦大事 另外，高盛交易部門注意到外資長線資金開始買貨 長線基金開始建倉的話，唔會淨係買幾日 會細水長流咁，持續買幾個禮拜 2021 年，長線資金配置了15%在中港股票，目前只配置了6%，還有大量空間買 還有就是，韓國人開始買港股 他們賭性比較強，偏向買中小型，趨勢強，容易炒上的股票，完全唔睇基本面 好處是強股恆強，越升越有 壞處是如果炒完散水，可以跌得好快 策略上，要儘量拿著強股，不要急於止賺 但如果跌破趨勢就要走，不

這週恆指比較強，跌到20天線就開始反彈，三日又創新高，非常強勢 上週中加倉兩隻科技龍頭 9988 阿里、700騰訊 都比較成功， 唔急住止賺 我見有唔少投資者擔心RSI背馳 但我認為要根據市況決定要用的技術指標 現在港股在比較強的上升趨勢當中，跟著趨勢操作會比較合適 RSI比較適合沒有方向的波動市，在牛市會過早止賺 基於這次回調在跌到20天線就有支持 我會用20天線作為關鍵位，在跌穿20天線先，我都不會進行減倉 這週比較積極的信號是外資長線基金開始買貨 會員應該都記得，我之前分享過，今次港股升市，買貨的主要是內資、外資短線資金 長線資金一直都冇買，中港市場配置還維持在多年低位 長線資金終於肯入市，代表今次牛市還可以持續 有朋友問恆指目標價，我認為睇3萬是言之過早

今日港股升幅開始擴散至其他板塊，是典型牛市跡象 希望大家可以把握這段時間 今日寫短啲，寫多一篇俾大家參考，分享現價仲可以部署的機會

依兩日恆指變動不大，資金都在等兩會 明天正式進入兩會時間，而且會公佈政府工作報告 影響後市的有兩大因素， 兩會 、 中美關係 投資重要的是睇消息是否超越預期 去年10月，中國其實公佈了不少刺激股市的新政策 ，鼓勵機構入市 但由於預期太高，導致成效不大 今次同舊年10月不一樣，外資的預期不高 對於今次會議，大家都知中國會留一手應對美國 唔期望公佈太多新的刺激措施 相信唔會導致恆指因此下跌，說不定還會有驚喜 而且中國經濟數據確實在改善 上文提到內房價格企穩，其實企業盈利也在改善 今天我見有比較出名的KOL居然講中國企業盈利冇改善，應該係冇check數據，只是憑直覺分享 所以大家要多睇資訊，再獨立作出判斷 原本中國盈利增長落後於其他新興市場，但最近已經追上 今年有新的刺激經濟政策 + AI產業投資加持，最新經濟數據只會更好 公佈的數據都有滯後性，要憑長期的觀察作出合理預測才能獲得先機 中美關係方面，目前是略為優于預期 特朗普當選後，提及中國的次數大幅減少 特朗普目前關注俄烏戰爭，無暇針對中國 在俄烏停戰前，無須太過擔心中美關係惡化 至於今日中國宣佈加美

週五恆指下跌超過700點，唔少熱炒股票大幅回調 好多人問，是不是牛市已經結束 我將結論放前面: 我認為牛市未完的，但週五的走勢差，恐怕需要橫盤調整一段時間 我原本上週就預期會在2萬3左右有阻力，想不到突破得異常順利 週五的回調證明，這個位置的沽壓唔細，早幾日掉以輕心了 今次下跌主要是兩個原因導致的 1）美國加中國10%關稅，另外墨西哥提議，可以同美國一樣加中國關稅，換取美國暫緩加墨西哥關稅 2）本身港股今次升得比較急，估值已經冇咁便宜，A/H股折讓已經大幅收窄 以上兩個消息都早有預期，我認為並不足而讓牛市斷纜 而且最近數據指出中國經濟逐漸止跌回升 今次經濟危機是房地產引起的，而最近幾個月一線城市 (Tier 1) 的樓價已經止跌回升 只要穩住房地產行業，中國經濟會陸續轉好 另外預期兩會將會有刺激經濟政策，中港股票走勢唔會太差 我不認為恆指的調整會深，我睇會調整至22000 - 22400 之間，其實已經離現價不遠

首先歡迎新加入的朋友，有問題可以在文章留言區留言，會盡快回答 有睇上週末文章的都清楚，我明確指出港股牛市未完 相信今日又是豐收的一日 今日唔少持股/ Wachlist 升5%以上 包括 中芯國際 981 、 恆生科技2X 7226 、新華保險 1336、9896 小鵬汽車、1810 小米、美團 3690、巨子生物 2367 有幾隻比較落後，但健康的牛市會有板塊輪動 今日升一批股票，隔日另一批接力 如果全部都一齊升，那就離頂部不遠了 目前其他持倉的技術走勢都冇問題 最新數據顯示，外資剛開始買 這是美林大行今日的報告標題 這輪牛市的特徵的強者恆強，強勢股比較集中 強勢股例如 1810 小米 持續破頂，持續跑贏其他股票 所以我今次唔急住止賺，起碼等股價跌穿10天平均線才會考慮止賺 至於買入策略，同樣遵守近期規律 1）只買已經突破近期新高的 2）符合最近熱炒題材：目前是AI + 智能駕駛 + 機器人+金融（今日炒起） 以下是三隻我認為現價可以關注的

今個月到小弟寫月度回顧，投資武林運作了3年半，這是專欄第43篇月度回顧 首先感謝支持投資武林的數百位朋友 有買港股的都知，前兩年港股大熊市的時候比較難受 願意在大熊市訂閱至今的，都是最信任我們的朋友 唔會辜負大家的信任，繼續將最好的投資機會分享俾大家...

首先恭喜大家，又是豐收的一週 本身預期有調整，但隨著阿里業績大超預期，唔少資金等唔切買 直接讓港股突破了我一直提到的重要阻力位（10月高位 23241） 突破後，下一個比較重要的阻力在2萬5，上升空間超過1000點 空間唔細，而且個股有機會升更多。 最近升勢主要升指數，個股升得唔多 睇翻週五數據，雖然恆指大升900點，但上升的股票居然同下跌的股票相約 好容易就買錯股票，錯過成段升勢 投資武林以外的朋友，食到成段升勢的朋友，應該唔多 這段時間要好好把握 今次升得好快，印證了我之前提到的，這種市況唔急住止賺 賣出後，好大機會就上唔翻車，得不償失 唔少個股突然大升，考驗大家定力 我的建議是，做好自己就可以，根據策略操作 不要被市場其他噪音影響，追入策略以外的機會，要坐得穩才能賺到錢 上文提到基金未買夠貨，週五高盛提到，外資長線基金終於開始買 相信長線資金流入剛開始，我睇港股牛市只到半山腰 連一直以來睇得比較淡的大摩都轉口風，提高了恆指目標價 當中的邏輯值得一讀，我將大摩的大行報告放在留言區供大家參考（按慣例，大家千萬不要外傳） 核心有三個觀點...

恆指走勢還是比較強，但恆指升到2萬3之後，真係要比較小心 起碼要對調整有預期，做好準備 10月初升至2萬3的時候，市場氣氛灼熱，甚至超過目前狀態 當時接近兩個禮拜，單日成交都超過3000億 大手成交意味著，當時有大量資金追入 而隨後的調整套住了這批資金 現在恆指升回2萬3，這批當時買入的資金好有機會拋貨離場 幸好今日大市成交額回落至2600億左右 代表這個位置的沽壓還不算大 最好情況是恆指在這個位置稍微調整 一來可以測試這個位置的沽壓 而且確實需要一個健康的調整，震走弱手，才能升得更高 就算唔調整，在這個位置橫盤整固也有利後市 中長線還是看好港股仲有得升 根據最新大行研究 有18%基金經理覺得港股將會是2025表現最佳的指數 （去年12月是11%） 同納斯達克一樣，位列第二 （第一是歐洲股票） 過去兩年，沽空中港股票是華爾街最流行的交易之一 如今鹹魚翻身，竟然成為被追捧對象 好多基金睇法轉變後，遠未買夠貨 足夠支持港股升穿阻力，展開新升勢 但因為預期大市短線有機會調整 不建議再追入升得急的股票 現價想買的，可以關注整體走勢比較穩健的股票

上週港股大升後，原來以為本週要停一停，通過時間消化沽壓 週四的長上影型態比較淡，我一度比較擔心調整會比較深 但週五的大升打破了調整的顧慮 我本身對中港股市就比較樂觀，但週五走勢較我預期還要強 週四將唔少投資者震下車，型態上是要繼續升 但恆指馬上到23241 的重要阻力位 23241 是2024年10月7日高點，有大量蟹貨 最理想情況是一舉升穿。根據週五情況，機會唔細 如果沽壓太大，冇辦法一舉升穿，估計要調整一段時間 到時候我會先止賺一部分 無論如何，中港股票大勢係要繼續上，只是時間上有分別 我地最大的優勢是買得早，有盈利墊底，可以承受更大波幅 兩個月前，還有大量投資者堅信港股是熊市 他們遲早會追翻中港股票的 （其實已經有少部分開始追翻） 為股市提供新的購買力 港股的資金主要有三個勢力： 外資短線資金（對衝基金）、外資長線資金（Mutual Fund）、內資（偏短線） 去年9月升勢是外資短線基金驅動，其餘兩股資金冇乜參與，升得快，跌得快 今次隨著各大行轉為睇好中港股票，外資長線資金開始買 現在外資資金配置還在歷史低位附近，在6%左右，有好大上升空間

今日恆指調整200點，我認為是上升途中的回調 1）今次上升是DeepSeek引起的估值重估 這個邏輯並沒有轉弱，龍頭 阿里巴巴9988 今日跑贏大市 唔少相關股票，例如上文Watchlist分享的 268 金蝶、9698 萬國數據、9636 九方智投控股 還在逆市上升 只要AI板塊未升完，可以帶領恆指再上 2）龍頭科技指數升至10月高位附近 這個位置在10月初吸引了大量散戶入市，有大量蟹貨，有沽壓正常 3）今次升勢由1月中升上黎，中途並沒有調整。 完整的升浪途中是會有回調的。 尤其是今次恆指由1萬9升上黎力度好強，好快就升2000點 強勁的升浪不會突然無故斷纜 有健康的調整才能震走弱手，讓股市更有動力上 由於蟹貨多，調整有機會還要持續幾日 但唔會輕易減倉 預期中國政府將會公怖刺激經濟政策 政府放水下，極大概率走出牛市。（牛市下，恆指起碼升多5000點） 這個位置減倉，如果上唔翻車，得不償失 過去兩週，主要是港股升，A股並沒有跟隨 但我觀察到A股中小股票已經轉強 而且同港股類似，A股指數調整了5個月，調整得比較充分 有條件接力，帶領中港股票上升 我

首先祝大家新年快樂，財源廣進，身體健康，蛇年大吉！ 龍年回報不錯，希望蛇年可以更進一步，讓盈利再創新高 有關注文章都知道，今年我對中港股市是比較樂觀的 上篇文章提到【預計在新年前後展開新升勢】，並分享已經加倉 市場俾面，今日港股大升400點，突破近期阻力20377 而且是跳空大升，比較強勢 過年前其實已經買到接近滿倉 買入的我會繼續持有，博恆指可以挑戰 2萬2 如果未買貨的，要睇你現金水平 空倉的話，建議買翻少少貨 港股近期風格升得急，唔俾位散戶買貨 今日追貨好過連續大升幾日後再追 但如果一直有底倉，可以等埋A股開市 有兩個原因 1）早幾次長假期都是港股升，但一等到A股開市，又會跌翻。 今日的升勢未必獲得北水認同，等多兩日再買更穩陣 2）恆指已經升到 21000 阻力位，是10月調整至今，比較重要的阻力位 估計要突破會需要一段時間消化沽壓 早買的持有就可以，冇貨的要擔心這個位置會比較波動，容易中止蝕 今日大升的原因有三個 1）美國加關稅的消息落地，並沒有投資者預期咁差 上週末宣佈加10%關稅，屬於預期內 而且特朗普的焦點明顯在加拿大、墨西哥兩國.

上週提到可以睇翻好少少港股，這週港股沒有讓我失望 整體在轉強，今日企穩2萬點收市 儘管還沒有技術走勢確認，我有感覺從10月至今的調整已經到尾聲 預計在新年前後展開新升勢 最近幾日偷步加左倉，希望預感正確 除了買入 7226 南方兩倍做多恆科ETF， 還買入了 1336 新華保險

上文提到，只要這週特朗普就任後，沒有針對中國的消息，可以加翻貨 早兩日已經開始加翻，但港股難就難在 消息明朗化後，恆指已經升左幾日，現價買的值博率不算太高 所以一定要有底倉，再根據消息調整倉位 少貨的，可以考慮買 科指ETF 3033 比較穩陣的，可以等恆指跌至19600（20天線）附近加 買科技指數是因為最近選股難 有唔少強股升，例如 981 中芯、6181 老鋪黃金 、 763 中興通訊 等 但都已經over-extended，現價追風險太高 除了這些特強股，其他股票就好弱，買唔落手 最簡單的是買今次反彈力度同樣比較強的科指